علمتنــــــــــــــــي كيــــــــــــف أحبــــــــــــك~_~

بعد المحبة علامك منت طايقني
وانا على خبرك أشواقي هي أشواقي
أسلوبك اليوم يقتلني ويحرقني
سؤال؟ أبسألك وين أسلوبك الراقي؟
حتى كلامك معي حيل مقلقني
والشك في داخلي ماعاد ينطاقي
إن كان قصدك تقول أرحل وفارقني !
برحل ولكن مصير الحي متلاقي
وان قصدك تغلا..وأنت تعشقني ؟
أبشرك ماتغير شيء بأعماقي
وان كنت تمزح ؟ أمانه معك روقني
تراي مكسور خاطر وانكسر ساقي
بس بصراحة من الآخر وصدقني
صدمتني واستراحت هقوة الهاقي
ياليتك تحس باءحساس مضايقني
وياليت تقرأ كلام داخل احداقي
حلمك من أول في هالدنيا تحققني
واليوم في بحر غدرك ناوي إغراقي
والحظ الأقشر يوم إنه فيك علقني
خلاني دايم على شوفتك مشتاقي
علمتني كيف احبك لاتوهقني
علمني أنسى ولاتستكثر الباقي
كنت احسب انك إذا جيت تعانقني
أثريك لاطايق شوفي ولا إعناقي

ان شالله اعجبتكم ~_~[code]

يعطيك العافيا